07.04.2016
Սիրելի կանայք,
Սրտանց շնորհավորում եմ ձեզ Ապրիլի 7-ի առիթով:
Այս գեղեցիկ օրը ցանկանում եմ արտահայտել իմ խորին երախտագիտությունն ու հիացմունքը մեր հայրենիքի հզորացման, ազգային հարուստ ավանդույթների պահպանման եւ սերունդների հայեցի դաստիարակության գործում ձեր անձնական ներդրման համար:
Երախտիքի անկեղծ խոսքեր եմ ուզում հղել մայրերին, որոնց որդիներն այս պահին գտնվում են ղարաբաղաադրբեջանական սահմանին` կյանքի գնով պահպանելով մեր խաղաղությունը եւ հանգիստ քունը: Քիչ չեն նաեւ կանայք, ովքեր այս օրերին պատրաստ են եւս իրենց մասնակցությունը ցուցաբերել` հայ զինվորի կողքին կանգնելով:
Շնորհակալ եմ ձեզ հասարակությունում հանդուրժողականության մթնոլորտի ձեւավորման գործում ունեցած անգնահատելի դերակատարության, աշխարհն ավելի բարի ու լուսավոր դարձնելուն ուղղված ձեր ջանքերի համար:
Հարգանքով`
Արմեն Իսահակյան
«Գյումրի» բժշկական կենտրոնի գործադիր տնօրեն
